Նախագահի խոսք
Բարև, հարգելի այցելու:
Ուրախ ենք Ձեզ ողջունել Հայաստանի սամբոյի ֆեդերացիայի պաշտոնական կայքում, որից, կարծում եմ, Դուք հնարավորություն կունենաք բավարար տեղեկատվություն ստանալ՝ մեր աշխատանքի, հայ սամբիստների անցած ուղու, հայկական սամբոյի պատմության, ընթացիկ գործունեության, առաջիկա մրցումների ու առաջնությունների, մարզիկների, մրցավարների, մարզիչների մասին:
Հուսով ենք, որ նաև Դուք՝ Ձեր արձագանքներով և առաջարկություններով կօգնեք մեզ՝ հայկական սամբոն զարգացնելու և հանրահռչակելու գործում: Մաղթում եմ Ձեզ հաջողություններ, հայկական սպորտին՝ նոր ու մեծ հաղթանակներ:
ՆՈՐՈՒԹՅՈՒՆՆԵՐ
Հայ մասնագետները կօգնեն Չինաստանին
2013թ. սեպտեմբերի 19-ից 21-ը Չինաստանի Ժողովրդական Հանրապետության ազգային փոքրամասնությունների համախմբման կոմիտեի սպորտի բաժնի պատվիրակությունը քանիցս հյուրընկալվել է Սամբոյի և ձյուդոյի օլիմպիական մանկապատանեկան մարզադպրոցում և դպրոցի ղեկավարության ու Հայաստանի սամբոյի ֆեդերացիայի գործկոմի անդամների հետ
հանդիպումների ընթացքում ծանոթացել է ինչպես մարզադպրոցի, այնպես էլ ֆեդերացիայի աշխատանքների, հայ սամբիստների՝ միջազգային մրցասպարեզներում արձանագրած հաջողությունների հետ: Չինացի հյուրերը ներկա են գտնվել դպրոցի ուսումնամարզական պարապմունքներին, հանդիպել մարզումներ անցկացնող Հայաստանի սամբոյի ազգային հավաքականի մարզիկների և մարզիչների հետ, տպավորվել Աշխարհի և Եվրոպայի չեմպիոնների ու մրցանակակիրների առատությունից, շոյվել' խորհրդանշական նվերներից, այն է սամբոյի մարզազգեստներ, ուսումնական ձեռնարկներ, մարզական հուշանվերներ:
Հաշվի առնելով հանգամանքը, որ Չինաստանում նոր-նոր է կազմավորվում սամբո ըմբշամարտը և հայ մասնագետների տարիների փորձառությունն ու վարպետությունը կարող է օգտակար լինել ՉԺՀ-ում մարզաձևի զարգացմանն ու հանրահռչակմանը, հետագա համագործակցության սկիզբը դնելու նպատակով ս/թ սեպտեմբերի 21-ին Հայաստանի սամբոյի ֆեդերացիան, ի դեմս՝ նախագահ Լևոն Հայրապետյանի և Չինաստանի Ժողովրդական Հանրապետության ազգային փոքրամասնությունների համախմբման կոմիտեն, ի դեմս՝ սպորտի բաժնի պետ Ցուեյ Լեյի կնքեցին համաձայնագիր: