Նախագահի խոսք
Բարև, հարգելի այցելու:
Ուրախ ենք Ձեզ ողջունել Հայաստանի սամբոյի ֆեդերացիայի պաշտոնական կայքում, որից, կարծում եմ, Դուք հնարավորություն կունենաք բավարար տեղեկատվություն ստանալ՝ մեր աշխատանքի, հայ սամբիստների անցած ուղու, հայկական սամբոյի պատմության, ընթացիկ գործունեության, առաջիկա մրցումների ու առաջնությունների, մարզիկների, մրցավարների, մարզիչների մասին:
Հուսով ենք, որ նաև Դուք՝ Ձեր արձագանքներով և առաջարկություններով կօգնեք մեզ՝ հայկական սամբոն զարգացնելու և հանրահռչակելու գործում: Մաղթում եմ Ձեզ հաջողություններ, հայկական սպորտին՝ նոր ու մեծ հաղթանակներ:
ՆՈՐՈՒԹՅՈՒՆՆԵՐ
Օլիմպիական նախաքայլեր
Քանի որ 2018թ. նոյեմբերի 30-ից սամբո մարզաձևը Միջազգային օլիմպիական կոմիտեի կողմից ժամանակավորապես ճանաչվել է օլիմպիական մարզաձև, որը ենթադրում է առաջիկա երեք տարիների ընթացքում օլիմպիական կանոնների և օրենքների պահպանում՝ վերջնականապես ճանաչվելու և օլիմպիական խաղերի ցանկում ընդգրկվելու համար, ինչպես Սամբոյի միջազգային ֆեդերացիայի անդամ երկրները, այնպես էլ Հայաստանը քայլեր է ձեռնարկում պայմանական փորձաշրջանը պատվով անցնելու և պահանջվող չափանիշները բավարարելու համար:
Այդ առիթով Հայաստանի սամբոյի ֆեդերացիան առաջատար մարզիկների, մարզիչների, մրցավարների, թիմերի ներկայացուցիչների համար 2019թ. փետրվարի 9-ին, ժամը 12.00-ին «Անի պլազայի»«Նաիրի» դահլիճում կազմակերպում է սեմինար պարապմունք՝ «Սամբոյի միջազգային մրցավարական կանոնակարգ», «Մարզական միջոցառումների մասնակիցների պարտականություններն ու իրավունքները», «Արգելված հնարքներ և գործողություններ» թեմաներով: